Aktuell informasjon om leigeberedningskinn i arbeid: 

Status saueskinn pr. 04.10.2024: 
Me har no sendt ut alle parti med saueskinn som er innkomne t.o.m 19.07.2024. Me merker no parti nr. 12. Parti nr. 1-5 er i arbeid. Det blir derfor ferdig meir skinn før jul i år, enn kva det gjorde før jul i fjor. 

For eksempel er følgjande andre skinnslag tatt i arbeid på desse datoar:

Normalt tek me i arbeid leigeberedningsskinn så snart eit parti er fulltaleg og rett valkefat er ledig.
Me vil prøve å halde denne informasjonen ajour framover.  

Prisliste leigeberedning:
For å få tilsendt mail med prisliste for beredningskundar, trykk her - og fyll inn namn og telefonnummer til høgre.

Frakt og adm. kostnader:

Beredningsprisar går fram av sist oppdaterte prislister.

Utlagt frakt ved mottak av skinn til leigeberedning (returskinn) frå slakteria er i tidlegare år blitt betalt av oss, utan at me belasta produsenten. Landet vårt er langstrakt og me får skinn frå dei fleste slakteri i alle landsdelar. Sjølv med konkurransedyktige fraktavtalar er det betydelege kostnader for oss. Me såg difor, at me måtte fordele litt av dette på kvart skinn som kom inn. Me starta med kr 5,- (+ mva) pr. saueskinn for 2020 sesongen. Det dekte omtrent halve kostnaden. Alle som sender inn skinn sjølv og betaler frakta veit at kostnaden er mykje høgare. På grunn av prisauke vart fraktprisen sett til kr 6,- for 2021 sesongen og kr 8 for 2022 sesongen.

Me har heller ikkje belasta kundar med faktura- eller  administrasjonsgebyr tidlegare, men ser at det er betydeleg administrasjon som går med å merke skinn, svare på alle spørsmål, sende ut informasjon og fakturere alle skinn. Eit lite administrasjonsgebyr (kr 20 + mva) på kvar faktura vart difor innført for 2020 sesongen, auka til kr 22,- for 2021 sesongen og kr. 24 for 2022 sesongen.

Utgåande porto for postpakkar eller utgåande frakt for større sendingar blir fakturert etter gjeldande porto- eller frakttakstar. Mindre sendingar som postpakkar blir normalt sendt i postoppkrav. Oppkravsgebyret er kr 83,- + mva. Større sendingar blir sendt med Bring Cargo. Porto/returporto blir belasta på nytt om pakkar ikkje blir henta og kjem i retur.

Me har tusenvis av registrerte kundar, men prøver å legge om frå sending i postoppkrav til vanlege postpakkar. Ein del kundar blir i den forbindelse kredittvurdert.

Det ligg alltid faktura frå oss i sendinga. Finn den fram før emballasjen blir lagt bort. Det er mange som etterspør kopi av faktura når rekneskap skal førast. Det blir ekstra arbeid for oss å sende faktura på nytt, så hugs at den ligg alltid i pakken saman med skinna.

Bygling - Varmebehandling med roterande «strykejern»

Me har nå installert ei bygelmaskin (ironing machine). Det er ei maskin med ein roterande stor valse (oppvarma til 160 grader C). Denne valsen varmar og greier ut ulla på ein spesiell måte, slik at ulla toppar seg i små spir, får ein glattare utsjånad og får meir volum. Ulla blir også jamnare, og der det er «vattete» utsjånad blir det finare. Maskina fungerer i prinsippet som ei glattetang  som frisørar brukar.

Skinn av ein god del villsau, enkelte spæl og blandingsrasar får ein mykje betre utsjånad etter behandlinga. Maskina er nytta sidan september 2022 på ein del eigne og innsendte skinn. Me har ikkje kapasitet til å ringe rundt og spørje om det er ønskeleg å bygle innsendte skinn. Framover vil me  bygle skinn, som me trur blir sjåande betre ut etter behandlinga. Kom gjerne med tilbakemelding til oss om dette.  Det går mykje straum til denne maskina og me  belasta ikkje noko ekstra for byglinga i starten. Etter 1.1.2023 så belastar me kr 10,- pr. skinn. Foto viser skinn før og etter behandlinga, filmen viser maskina i aksjon.   

                                        Før bygling                                                                                       Etter bygling

 Sjå video